العميل اولاً هكذا تعلمتها بالطريقة الصعبة, ودلوقتي هنقل ليكم تجربتي في تحسين معدل التحويل او conversion rate optimization

في البداية انا هديلك اهم وافضل الطرق المجربة في اداء البيزنيسس بتاعك هنزود مبيعاتك بسبب اننا هنتهم بشكل اكبر بالعميل وهنركز علي conversion او التحويل.

اتكلمت في مقالات كتير سابقة عن ازاي تحسن متوسط قيمة الاوردر وغيرها من المقالات الي تهم تحليل سلوك المستخدم
لكن انهارده انا جاي اتكلم عن تحسين معدل التحويل وهركز مثلا علي نصائح زي
– جذب انتباه العميل بالوان واضحة وقوية لاي CTA
– نستخدم مثلاً العروض التحفيذية السريعة زي limited offers
– نحط اراء الناس الي جربت

انتبه:   انا بكدب عليك وبحور زي غيري كتير دلوقتي

كمل بقي عشان نفهم الموضوع صح

انا عديت علي تجارب كتير فاشله والانشطة الي نجحت فيها مش كتير وطبعاً انا براجع نفسي اول باول لاحظت الاتي

1. بسمع لغيري بشكل اكتر من الازم
2. باخد ناس قدوة وبناء عليه بنفذ بدون ما اعرف اذا كان فعلاً صح او غلط
3. احياناً الي بعمله صح وبتراجع عنه بسبب نصيحة ما

قد يبدو ليك ان المقالة تحسها درس تنمية بشرية او كلام ملوش علاقة ب تحسين معدل التحويل CRO
لكن صدقني هو كلام في الصميم

اول خطوة واخر خطوة في تحسين ال CR conversion rate عندك هو العميل

بشكل عملي العميل جاي بيعمل ايه بالضبط!
يشتري؟
ياخد فكرة ويشتري بكرة؟

العميل مش اشتري!
ايه الي وقفه عن اكمال عملية الشراء؟

لو العميل خد قرار وساب الموقع تعمل ايه!
ازاي تقنعه تاني بانه يكمل بروسيسس الشراء؟

لما تفكر في تحسين معدل التحويل عندك conversion rate optimization فكر في اليوزر ايه الي بيمعنه من انه يكمل شراء
مهو ممكن لو مقتنع بس الويب سايت فيه عوامل تشتت كتير يضيع منك, ممكن حتي bug صغيرة في الدفع تخسرك العميل وغيرها من التفاصيل الي مش بتبان اوي.

عشان كدا ستاك انالتيكس بتركز في خدماتها علي اليوزر بشكل اساسي الي هو بوابتك للنجاح في البيزنيسس لو فعلاً ساعدتك تفهم العميل بتاعك كويس.

عاوزك تكون واقعي شوية برضو في الارقام

متوسط معدل التحويل الطبيعي بيختلف من نشاط لنشاط لكن غالباً من 2 : 4% عشان كدا CR مش هو العصاية السحرية برضو
تكلفة استحواذك علي العميل بانه يشتري مش زي تكلفة الحفاظ علي العميل ودي تعتبر الخطوة رقم 1 عندك.

متوسط ال CR وانت عامل اعلانات غير وانت شغال اورجانيك ومعتمد علي السوشيال وال SEO
دا هيختلف كمان باختلاف المنتجات والمواسم حسب نشاط البيزنيسس ونوعه والتداعيات والظروف حواليه.

اهم نصيحة ليك اكتبها وعلقها في مكتبك او اوضتك

مفيش حاجة اسمها best practice دا كلام ضرره اكبر من نفعه مش كل حاجة نفعت مع واحد هتنفع معاك والعكس برضو
لما تيجي تنصح حد مش تقوله اعمل كذا بل فهمه النظرية ورا الي انت عملته وهو يطبقه بما يناسبه.

ادوات تحسين ال conversion rate كتير جداً وببلاش
عينك تشوف بيها العميل بيتصرف ازاي “تقدر تستخدم ستاك انالتيكس heatmap او session recording”
اسمع كويس لعملائك وخد منهم تعليقات و feedback كل شوية وحسن من نفسك
اعمل بروباجندا وعظم نفسك ف الماركت عشان يوصل لناس اكتر تستخدم الخدمة او تجرب منتجك واسمع منهم
خليك قريب من السوق, البيزنيسس مكانه الشارع مش في المكاتب يا صديقي.

وانا بنصحك تحدد عميلك كويس وايه هو منتجك وتربط ما بين منتجك واحتياجات عميلك عشان تعرف هتقنعه ازاي
انت كدا بتخلق قنوات تواصل سريعة حاجة كدا زي “اقرب مكان لقلب الراجل معدته”

ال Know how محتاجة شوية tools لزوم تسريع الشغل اكيد

• استخدم Google analytics عشان تعرف معلومات اكتر عن زوار موقعك الي اكيد من بينهم عملائك
  قريب جداً ستاك انالتيكس هتدعم التكامل مع جوجل  انالتيكس وبالتالي شغلك كله ممكن يبقي علي ستاك انالتيكس تحليل اقوي واستهداف اسرع ونتائج افضل.
• استخدم ستاك انالتيكس heatmap و session recording
  هتشوف العميل مهتم بانهي جزء من موقعك وبيتفاعل ازاي مع اي صفحة بشكل حي اكنه video
• استخدم ادوات ال feedback الي بتظهر للعميل في اوقات معينة دا هيخليك تستقبل معلومات قيمة من عملائك.
• وطبعاً مش تنسي ادوات A/B Testing بحيث توصل للنسخة الافضل من موقعك والتحسين الي يجيب ليك اعلي نتائج.